Civan bavekî ciwan e ku bi nexweşiyeke giran ketiye. Ew dixwaze fêrî kurê xwe yê biçûk Feyzî bike ku çawa dikare bi tena serê xwe jiyana xwe birêve bibe û debara xwe bike, bêyî ku jê re bibêje ewê bimire.
Di heman demê de, Feyzî neçar e ku bi windabûn û mirina kesên xwe yên nêzîk û nakokiyên siyasî yên li derdora xwe re rûbirû bibe.
Derhêner Mehmet Ali Konar bala xwe dide herêmên kurdî û erdnîgariya wan, ku tê de rabirdû û dema niha ji hev nayên veqetandin, lê bi awayekî kûr bi hev ve girêdayî ne.
«Dema Pelên Gûzan Zer Dibin» bi awayekî aram, lê kûr û bandorker, behsa xatirxwestinê, welat û şopên ku dîrok di jiyana mirovan de dihêle, dike.