Di cotmeha sala 2019an de, şer digihîje bajarê Serê Kaniyê li Rojava. Gule, ku bi amadekariyên daweta xwe mijûl e, ji ber şer neçar dimîne ji bajarê xwe bireve. Di dema revê de, ew li rastî Barîn û Nazê yên ku şer jiyana wan jî wêran kiriye, tê.
Dibistanek dibe warê gelek kesên ku ji ber şer neçar mane mal û warên xwe bihêlin û xewn û hêviyên xwe ji dest bidin.
Sevinaz Evdikê, ku yek ji damezrînerên Komîna Fîlm a Rojava ye, di fîlmê xwe de behsa hevkariya jinan, piştgiriya wan a ji bo hevdu û wêrekiya wan dike. Ew nîşan dide ku mirov çawa dikare, tevî şer û koçberiya bi zorê, hêviya xwe ya ji bo siberojeke baştir biparêze.