«Kî me Ez?» çîroka jiyana Cegerxwîn, yek ji dengên herî girîng ên edebiyata kurdî, vedibêje. Cegerxwîn di serdema Osmaniyan de, li gundê Hesarê, di nav şert û mercên dijwar de mezin dibe. Piştî ku dayik û bavê xwe ji dest dide, feqîrî û koçberiya bi zorê bandoreke kûr li jiyana wî dikin. Ev serpêhatî dibin bingeha helbestên wî û têkoşîna wî ya heta dawiya jiyanê.
Fîlm bi berhevkirina materyalên arşîvê, belgeyên dîrokî, wêne, bîranînên kesane yên malbata wî û gotinên hunermendan, bandora Cegerxwîn li ser edebiyat û civaka kurdî nîşan dide.
Belgefîlma Esin Akgül ronahiyê dixe ser serdemeke girîng a edebiyata kurdî û Cegerxwîn wek helbestvan, ramanwer û kesayetiyeke girîng a çandî û civakî dide nasîn. Ew di heman demê de nîşan dide ka Cegerxwîn çawa bûye şahid û dengê bîranînên civakî û çandî yên serdema xwe.